कंटेनरची रिक्षाला धडक भीषण अपघात
bargal
0
233
अहमदनगर /प्रतिनिधी - अहमदनगर जिल्ह्यातील कोपरगाव तालुक्यातील पोहेगाव कोपरगाव रोडवर कंटेनरची रिक्षाला धडक बसल्यामुळे झालेल्या अपघातात सहा जणांचा जागीच मृत्यू झाल्याची घटना आज घडली.
यावेळी झालेल्या अपघातात एकूण दहा जण गंभीर जखमी झाले आहे. त्यातील 6 जणांचा मृत्यू झाला आहे. जखमींना तात्काळ उपचारासाठी रुग्णालयात दाखल करण्यात आले आहे. चार जखमींवर जनार्दन स्वामी रूग्णालयात उपचार सुरु आहेत. सहा जणांचे मृतदेह शविच्छेदनासाठी ग्रामीण रुग्णालयात पाठवण्यात आले आहेत.
मृतांमध्ये दोन महाविद्यालयीन विद्यार्थिनी, दोन महिला आणि दोन पुरूषांचा समावेश आहे. एकूण सहा जणांचा मृत्यू तर चार जणांची प्रकृती अत्यवस्थ असल्याची माहिती मिळतेय. अपघातानंतर पोलिस घटनास्थळी दाखल झाले असून, पुढील तपास करत आहेत.
