IPS बनायचं होत मग का उचललं टोकाचं पाउल
bargal
बीड /प्रतिनिधी - बीडमध्ये एक धक्कादायक घटना समोर आली आहे. मामाच्या गावाला राहत असलेल्या एका 13 वर्षीय मुलीने घरी ओढणीने गळफास घेऊन आत्महत्या केल्याची घटना उघडकीस आली.
दिक्षा बाबासाहेब शेलार असे आत्महत्या केलेल्या मुलीचे नाव आहे. घटनास्थळी सुसाईट नोट आढळून आली त्यात मला आयपीएस व्हायच होतं झाले नाही. माझं सगळ संपल माझ्या ताईला कारखेलला घेऊन जा मी चालले..." असे लिहलेली सुसाईट नोट आढळून आली आहे. त्यामुळें खळबळ उडाली आहे.
आष्टी तालुक्यातील कारखेल बुद्रुक येथील दिक्षा बाबासाहेब शेलार ही बीडसांगवी येथील ससे वस्तीवरील आजोळी दुसरीत असल्यापासून आजोबा, मामाकडे राहत होती. दीक्षाचे आई, वडील उसतोड कामगार असल्याने मामा तिचा सांभाळ करत होता.
काल घरातील सर्वजण शेतात काम करत होते. घरी एकटीच असलेल्या दिक्षाने सायंकाळ ६ वाजेच्या दरम्यान ओढणीच्या साह्याने गळफास घेऊन जीवन संपवले. आष्टी पोलिस ठाण्यात आकस्मिक मुत्यूची नोंद करण्यात आली आहे. आत्महत्या का व कोणत्या कारणाने केली हे मात्र समजू शकले नाही.
