सिल्लोड जवळ भीषण अपघात सहा जागीच ठार
bargal
सिल्लोड / प्रतिनिधी - सिल्लोड येथे दि. ३० डिसेंबर रोजी रात्री २ वाजेच्या सुमारास छोटा पीक अप हे वाहन रस्त्यावर उभ्या असलेल्या ट्रॅक्टरला जोरात धडकले. धडक एवढी जोरात होती कि,यामध्ये सहा व्यक्ती जागीच ठार झाले तर १४ जण गंभीर जखमी झाले आहेत.
सिल्लोड येथे मोढा फाटा, भराडी रोड या ठिकाणी ऊस असलेले ट्रॅक्टर रस्त्याचे कडेला नादुरुस्त अवस्थेत उभे होते. रात्री 2 वाजण्याच्या सुमारास अशोक लेलँड छोटा पीक अप क्र( MH 20 CT 2981 ) प्रवासी घेऊन येत असताना अंधारात चालकास उभे ऊसाचे ट्रॅक्टर दिसले नाही व ते जाऊन जोरात ट्रॅक्टरला धडकले. धडक इतकी जोरात बसली की पीक अप वाहनाचा अक्षरशः चुराडा झाला. या अपघाता मध्ये 6 व्यक्ती जागीच ठार झाले असून ते सर्व मंगरूळ ता सिल्लोड या गावचे आहेत.
अपघातामध्ये मंगरूळ येथील मृतांमध्ये खेळवणे कुटुंबातील सदस्यांचा समावेश आहे. मृतांमध्ये अशोक संपत खेळवणे (वय.52), लक्ष्मीबाई अशोक खेळवणे (45), संजय संपत खेळवणे (42), रंजनाबाई संजय खेळवणे (40), जिजाबाई गणपत खेळवणे (60), संगीता रतन खेळवणे (35) यांचा समावेश आहे. जखमीमध्ये कासाबाई भास्कर खेळवणे (40), सार्थक आजीनाथ खेळवणे (8), आजीनाथ शेषराव खेळवणे (44), गणेश सुखदेव बोरडे (19), आकाश रमेश बोरडे (18), ऋषिकेश गोविंदराव आरके (20), संतोष गणपत खेळवणे (30), धुळाबाई नारायण बोरडे (50), दुर्गाबाई दत्तात्रय खेळवणे (45), ओमकार रतन खेळवणे (16), सुभाष राजेश खेळवणे (45), सुलोचना आत्माराम खेळवणे (55), सुरेश विठ्ठल खेळवणे (50) सर्व रा.मंगरूळ तर कलाबाई बाबू म्हस्के (40, रा.अनवी, ता.सिल्लोड) यांचा समावेश आहे. 6 मृतदेहांवर उपजिल्हा रुग्णालयात शवविच्छेदन करण्यात आले, तर काही जखमींना शहरातील खाजगी रुग्णालयात तर काहींना औरंगाबाद येथे पाठविण्यात आले.
घटनेची माहिती मिळताच महसूल व ग्रामविकास राज्यमंत्री अब्दुल सत्तार यांनी रुग्णालयात धाव घेतली. त्याचबरोबर रुग्णवाहिकेची व्यवस्था करून मृतदेह मंगरूळ येथे पाठविण्याची व्यवस्था केली. यावेळी रुग्णालयात उपविभागीय पोलीस अधिकारी विजय मराठे, ग्रामीण पोलीस ठाण्याचे पोलीस निरीक्षक सिताराम म्हेत्रे यांची उपस्थिती होती.
