बीडमध्ये भीषण अपघात तीन तरुणांच्या जागीच मृत्यू
PCN Live
बीड/ प्रतिनिधी -बीडमध्ये अपघाताची पुन्हा एक दुर्दैवी घटना घडली आहे. सकाळी पोलीस भरतीचा सराव करत असताना भरधाव एसटी बसने 5 तरुणांना चिरडले. त्यामध्ये तीन तरुणांचा जागीच मृत्यू झालाय.
पोलीस भरतीचा सराव करणाऱ्या ५ तरुणांना भरधाव वेगातील एस टी बसने चिरडले. या अपघातात तीन तरुणांचा जागीच मृत्यू झाला असून दोघांचा जीव वाचला. जखमींना जवळच्या रूग्णालयात दाखल करण्यात आलेय. बीडच्या घोडका राजुरी फाट्यावरील आज सकाळी साडे सहाच्या सुमारास हा भीषण अपघात झालाय. या अपघातामुळे घोडका राजुरी गावावर शोककाळा पसरली आहे. त्या तरुणांचे व त्यांच्या परिवाराचे पोलीस होण्याचे स्वप्न आता स्वप्नच राहिले आहे.
या घटनेची माहिती मिळताच घटनास्थळावर गावातील लोकांची गर्दी जमली. संतप्त गावकऱ्यांनी एसटी अडवली. दडगफेक केली. तोडफोड केली. त्यामध्ये एसटीच्या काचा फुटल्या आहेत. गावकऱ्यांनी चालकाला ताब्यात घेतलेय. अपघाताची माहिती पोलिसांना देण्यात आली आहे. पोलीस घटनास्थळी दाखल झाले असून तपास सुरू आहे.
