अंगाची हळद फिटली नव्हतीअन्
bargal
भोकर /प्रतिनिधी - नांदेड जिल्ह्यातील भोकर ते किनवट रस्त्यावरील सोमठाणा पाटी जवळ दि. २१ फेब्रुवारी रोजी सायंकाळी सहा वाजताच्या दरम्यानॲपे ऑटो व ट्रकचा भिषण अपघात झाला.या अपघातात पाच जण ठार तर सहा जण गंभीर जखमी झाले.मृतांमध्ये नववधूचा समावेश असून नवरदेव गंभीर जखमी झाला आहे. अंगाची हळद फिटली नव्हती आणि नववधूचा मृत्यू झाल्याने नागरिकांमधून हळहळ व्यक्त केली जात आहे.
नांदेड जिल्ह्यातील भोकर ते किनवट रस्त्यावरील सोमठाणा पाटी जवळ असलेल्या एका प्रवासी वाहतूक करणाऱ्या ॲपे ऑटो (क्र.एम.एच.२९-ए.आर.३२२९) आणि ट्रकचा (क्र.एम.एच.०४-ए.एल.९९५५) भीषण अपघात २१ रोजी सायंकाळी सहा वाजताच्या दरम्यान झाला.
जारीकोट ता. धर्माबाद येथील नवरदेव नागेश साहेबराव कन्नेवाड यांचे साखरा ता. उमरखेड येथील पूजा तामलवाड यांच्याशी साखरा ता. उमरखेड येथे १९ फेब्रुवारी रोजी लग्न झाले होते. त्यानंतर आज २१ रोजी मांडव परतणीसाठी जारीकोट येथून साखरा येथे भोकरमार्गे मॅजिक वाहनाने जाताना भोकर तालुक्यातील सोमठाणा पाटीजवळ सायंकाळी ६ वाजता समोरुन येणाऱ्या ट्रकने जबर धडक दिली. या अपघातात नवरी पुजा ज्ञानेश्वर पामलवाड (वय २० वर्ष, रा. साखरा ता. उमरखेड), माधव पुरभाजी सोपेवाड (वय ३०, रा. जामगाव ता. उमरी), दत्ता ज्ञानेश्वर पामलवाड (वय २२ रा. साखरा), सुनील दिगंबर थोटे (वय ३० रा. चालगणी ता. उमरखेड) यांच्यासह अन्य एक (नाव समजु शकले नाही) अशा एकूण ५ जणांचा मृत्यू झाला. गंभीर जखमीमध्ये नवरदेव नागेश साहेबराव कन्नेवाड यांच्यासह सुनीता अविनाश टोकलवार (वय ४० वर्ष, रा उमरी जहागीर, ता. हदगाव), गौरी माधव चोपलवाड (वय दीड वर्ष रा. उमरी जहागीर ता. हदगाव ) अविनाश संतोष टोकलवार (वय ३६ वर्षे, रा. उमरी जहागीर, ता. हदगाव), अभिनंदन मधुकर कसबे (वय १२ रा.वाजेगाव) यांच्यासह ६ जणांचा समावेश आहे.
