पिकअप आणि आयशरचा भीषण अपघात
PCN Live
नाशिक / प्रतिनिधी - नाशकातील मुंबई -आग्रा महामार्गावर पिकअप आणि आयशरचा भीषण अपघात झालाय. या अपघातात देवदर्शनाहून परतत असलेल्या सहा कामगारांचा दुर्दैवी अंत झालाय. निफाड येथील एका देवदर्शनच्या ठिकाणाहून परतत असताना अपघातात झाल्याची माहिती समोर आली आहे.
लोखंडी गजाने भरलेल्या आयशरला पाठीमागून वेगात आलेल्या पिकअप गाडीने धडक दिलीये. यामध्ये सहा जणांचा दुर्दैवी अंत झालाय. या अपघातातील जखमी आणि मयत सर्व कामगार असल्याची माहिती आहे. नाशिकच्या सिडको परिसरातील अपघातग्रस्त असल्याची माहिती असून पोलिसांकडून त्यांची माहिती घेण्याचे प्रयत्न सुरू करण्यात आले आहेत. अपघातग्रस्तांना नाशिकच्या जिल्हा रुग्णालयात दाखल करण्यात आले आहे. मुंबई नाका आणि भद्रकाली पोलीस अपघाताची चौकशी करत आहेत.
नाशिकच्या द्वारका उड्डाणपूलावर अपघात
दरम्यान, नाशिक मुंबई अग्रा महामार्गावरील भीषण अपघातानंतर नाशिकच्या द्वारका उड्डाणपूलावर अपघात झाल्याने वाहतूक विस्कळीत झाली होती. नाशिकवरून मुंबईकडे जाणारी वाहतूक ठप्प झाली. उड्डाण पुलावर वाहनांच्या लांबच लांब रांगा लागलेल्या पाहायला मिळाल्या आहेत. नाशिकच्या द्वारका परिसरातील उड्डाण पुलावर हा अपघात झाल्याची माहिती आहे. उड्डाण पुलावर वाहतूक ठप्प झाल्याचे दिसून आले.वाहनांच्या चार ते पाच किलोमीटर पर्यंत रांगा लागल्या होत्या.
